Ruta dos Castelos

Data: 19 de xullo 2026

A Ruta dos Castelos é unha nova proposta cicloturista de estrada, impulsada polo Club Biela e Chaveta, que percorre algúns dos enclaves máis representativos da comarca a través das estradas de San Sadurniño, Moeche e As Somozas.

Con 81 km de percorrido, a ruta combina ciclismo, territorio e patrimonio, conectando diferentes puntos de interese histórico e paisaxístico nun trazado pensado para desfrutar da bici sen carácter competitivo.

A Ruta dos Castelos forma parte do calendario oficial da Federación Galega de Ciclismo, consolidándose como unha nova cita cicloturista na comarca.

Unha nova ruta con identidade propia

Esta ruta nace coa vontade de crear un evento de estrada con identidade propia na comarca, complementando as propostas de BTT e ciclismo recreativo que o club vén desenvolvendo nos últimos anos.

A Ruta dos Castelos aposta por:

O uso de estradas secundarias e tranquilas
A posta en valor do territorio e do patrimonio
Un formato accesible, non competitivo e participativo
Unha forma distinta de descubrir a comarca sobre a bicicleta.

Descarga o track: Ruta dos Castelos 2026

Inscricións

Ata o 12 de xullo na web de Federación Galega de Ciclismo.

Enlace directo: Próximamente.

Todas as persoas participantes estarán cubertas cun seguro de accidentes.

Lugar de saída e chegada: CPI San Sadurniño.

Distancia: 81Km.

Desnivel: 1600m.

Nivel de dificultade: Media.

Idade: Maiores de 15 anos.

Nº de Prazas: 200 prazas.

Prezo: 15€ a ruta e 18€ o xantar (para participantes e acompañantes).

Os participantes que non teñan licenza federativa de ciclismo en vigor deberán añadir ao custo da inscrición o correspondente seguro dun día da Federación Galega de Ciclismo (15€).

Tel. de contacto:

600 500 046

Mail: bielaechaveta@gmail.com

Un percorrido para gozar da estrada e da contorna

A ruta discorre integramente por carreteiras secundarias da comarca, con tráfico reducido e perfís variados, alternando zonas máis rodadoras con tramos de desnivel moderado. É unha saída pensada para ciclistas afeccionados á estrada que buscan unha xornada completa, sen présas nin espírito de carreira.

Ao longo do percorrido pásase por distintos puntos de interese cultural e histórico dos concellos de San Sadurniño, Moeche e As Somozas, poñendo en valor o patrimonio local e a diversidade da paisaxe da zona.

Para quen está pensada

A Ruta dos Castelos está orientada a persoas con experiencia mínima en ciclismo de estrada, capaces de completar unha distancia media-longa de forma autónoma. Non é unha proba competitiva: cada participante roda ao seu ritmo, co obxectivo de completar o percorrido e gozar da experiencia.

Recoméndase o uso de bicicleta de estrada en bo estado, casco obrigatorio e equipamento axeitado para unha saída de varias horas.