Rutas BTT San Sadurniño

ENTRE CORREDOIRAS, TOXOS E XESTAS

Tres distancias: curta, media e longa.

Data: 14 de xuño 2026

Información Básica

Lugar de saída e de chegada: Finca A Cortiña
Hora de saída: 8:30h

Idade: maiores de 15 anos
N.º de prazas: 250 (por orde de inscrición)
Prezo: 15 €, e 18 € o xantar para participantes e acompañantes. Menores de 12 anos, xantar de balde.

Recollida de dorsais

- Sábado 13, desde as 16:00 ata as 20:00 se poden recoller dorsales en Decathlon Ferrol.
- Domingo 14, o mesmo día da proba, desde as 7:00 ata as 8:15 no CPI San Sadurniño.

Servizo de duchas no CPI San Sadurniño:https://maps.app.goo.gl/GaFqBN2W3uBb4inJ6

Lavado de Bicicletas na área de autocaravanas (a 50m da chegada).

Inscricións

Inscricións abertas ata o 10 de xuño na páxina da Federación Galega de Ciclismo.

Enlace directo aquí

Que é a BTT de Sansa?

Ruta para bicicleta de montaña na comarca de Ferrolterra, polos concellos de Sansadurniño, Moeche e As Somozas.

Deseñamos o percorrido desta ruta coa idea de poñer en valor o patrimonio cultural do noso territorio. As rutas conectan lugares pouco coñecidos, e recuperamos vellos camiños que forman parte da historia local.

Esta ruta para bicicleta de montaña parte de San Sadurniño e percorremos pistas forestais, camiños tradicionais e sendeiros da contorna, combinando deporte, natureza e coñecemento do territorio.

Atravesamos vales e parroquias do concello e arredores, cun trazado deseñado por persoas que coñecemos o monte e que andamos nel todo o ano, pensado para gozar da bicicleta de montaña.

Aquí non se trata de competir, senón de rodar xuntos, mellorar pouco a pouco e descubrir novos camiños.

Tres distancias, tres aventuras

Ruta Curta

Un reto para disfrutar e descubrir os mellores camiños e sendeiros da contorna.

Distancia: 27,78 Km

Desnivel acumulado: 800m aprox.

Máis info sobre a ruta curta.

Ruta Media

Unha boa ruta por camiños e sendeiros dos concellos de San Sadurniño e Moeche.

Distancia: 60,10 Km

Desnivel acumulado: 1847m aprox.

Máis info sobre a ruta media

Ruta Longa

Ruta polos concellos de San Sadurniño, Moeche e Somozas, para ciclistas preparados.

Distancia: 66,20 Km

Desnivel acumulado: 1957m aprox.

Máis info aquí sobre a ruta longa

Os datos de desniveis acumulados obtivéronse a través da app gpx.studio

Información polo miudo dos recorridos

Publicamos información detallada por tramos nos seguintes enlaces

BTT Media e Longa 2026

Rutas Biela e Chaveta

Btt curta San Sadurniño

Rutas Biela e Chaveta

Que tipo de percorrido facemos?

Estas rutas están pensadas para persoas que xa teñen algo de experiencia en BTT e unha mínima forma física, pero non é necesario ter un nivel alto nin competir.

O percorrido é 100% ciclable, aínda que hai algúns tramos con desnivel.

Combínanse pistas anchas, camiños, sendeiros, e os tramos algo técnicos que poida haber non teñen dificultade elevada.

Son tres rutas con dificultades distintas: ruta curta, ruta media e ruta longa. O percorido é "acumulable", pensado para que calquera persoa poida facer o percorrido máis axeitado para o seu nivel: Que vas rematando a ruta curta e estás con forza? Podes seguir pola media! Que tiñas pensado facer a longa pero non tes o día? Pois tamén podes voltar xa pola media!

Usamos bicicletas de montaña convencionais (ríxidas ou dobres) e eléctricas.

É obrigatorio levar casco.

Indicacións

Indicador: 1, 2, 3 = Ruta longa, media e curta

Indicador: 1 = Ruta longa

Información das diferentes rutas

BTT Curta 2026

Ruta Curta

Un reto para disfrutar polos mellores camiños e sendeiros da contorna.

Distancia: 27,78 Km

Desnivel acumulado: 808m aprox.

Ruta Curta BTT 2026

Descarga o track

A ruta curta é a porta de entrada perfecta á BTT en San Sadurniño. O percorrido sae do casco urbano e, cunha subida progresiva que che permite coller ritmo sen présas, chega ata Igrexafeita.

Dende Igrexafeita comeza a baixada cara ao val de Naraío, por camiños tradicionais recuperados, entre bosques e corredoiras que conectan os lugares do val.

A ruta, seguindo o curso do río Castro, pasa xunto ao castelo medieval de Naraío e continúa para, xa no fondo do val, retomar o camiño de volta a San Sadurniño.

Se andas en bicicleta de montaña de forma ocasional e queres probarte nunha ruta completa, con subidas asumibles, baixadas divertidas e moito territorio que descubrir, esta é a túa aventura.

Información detallada dos tramos desta ruta neste enlace

Vista 3D da baixada de Igrexafeita - O Remicieiro ata o castelo de naraío polo val do río castro.

Imaxe xerada con Google Earth.

Datos cartográficos e imaxes: © Google e provedores indicados na propia captura.

BTT Media 2026

Ruta Media

Unha ruta por camiños e sendeiros dos concellos de San Sadurniño e Moeche.

Distancia: 60,10 Km

Desnivel acumulado: 1755m aprox.

Ruta Media BTT 2026

Descarga o track

A ruta media dá un paso máis respecto á curta, ampliando percorrido e esixencia. Sae de San Sadurniño e comparte coa ruta curta a primeira parte: a subida a Igrexafeita, e a fermosa baixada polo val de Naraío. Pero despois, e lugar de voltar para Sansa, voltamos subir de novo cara a Igrexiafeita para baixar cara ao concello de Moeche.

A partires de aquí o terreo é divertido, por pistas e corredoiras, e chegamos ao val de Moeche seguindo un fermoso camiño a carón do río Xubia. O regreso cara a San Sadurniño faise xa sen grandes desniveis, agás unha pequena subida tendida a un cinco quilometros do final, con pisteo e baixada final ata a meta.

Se xa andas en BTT con certa regularidade e queres dar un paso máis en distancia e intensidade, esta ruta é o seguinte nivel natural.

Información detallada dos tramos desta ruta neste enlace

Vista 3D da baixada de Igrexafeita ata o Río Pequeno de Xubia e subida ata A Leiriña por Borreiros de Abaixo.

Imaxe xerada con Google Earth.

BTT Longa 2026

Ruta Longa

Ruta polos concellos de San Sadurniño, Moeche e Somozas, para ciclistas preparados.

Distancia: 66,20 Km

Desnivel acumulado: 1957m aprox.

Ruta Longa BTT 2026

Descarga o track

A ruta longa é a versión máis completa e esixente da BTT Sansa. Un percorrido que vai máis alá de San Sadurniño para adentrarse tamén en Moeche e As Somozas, conectando tres concellos a través de monte, pistas e camiños tradicionais.

É similar á ruta media, co engadido de uns 9,5 Km por pistas que nos achegan ao concello de Somozas. Este engadido ten algunhas rampas que van servir para poñer a proba pernas entrenadas.

Se buscas un reto e estás afeito a rutas longas de montaña, con desnivel acumulado e varias horas enriba da bici, aquí tes unha proposta á altura.

Información detallada dos tramos desta ruta neste enlace