BTT Curta de San Sadurniño

A ruta "curta" que describimos aquí é a porta de entrada á bicicleta de monte en San Sadurniño.

100% ciclable e moita diversión!!!

Data: 14 de xuño 2026

Inscricións

Inscricións abertas ata o 10 de xuño na páxina  da Federación Galega de Ciclismo.

Enlace directo aquí

Para quen é esta ruta?

Non é unha ruta para novatos, pero tampouco para bikers expertos: Se andas en bicicleta de montaña de forma ocasional e queres probarte nunha ruta completa que supoña un certo reto, con subidas asumibles, baixadas divertidas, e con moito territorio que descubrir, esta é a túa aventura.

O percorrido sae do casco urbano e, cunha subida progresiva que che permite coller ritmo sen présas, chega ata Igrexafeita.

Dende Igrexafeita comeza a baixada cara ao val de Naraío, por camiños tradicionais recuperados, entre bosques e corredoiras que conectan  diferentes lugares.

A ruta, seguindo o curso do río Castro, pasa xunto ao castelo medieval de Naraío e continúa para, xa no fondo do val, retomar o camiño de volta a San Sadurniño.

Datos da ruta:

Distancia: 28 Km

Desnivel positivo acumulado: 812m

🔵 Dificultade: Azul

Ruta Curta BTT 2026

Descarga o track

O percorrido

A ruta comeza cunha subida longa cara a Igrexafeita, pero non é unha subida brutal nin continua. Procuramos trazala da maneira máis tendida posible, buscando pistas e camiños que permitan gañar altura pouco a pouco, con descansos e pequenos respiros ao longo do ascenso. A clave aquí non é apretar, senón coller ritmo e ir facendo.

Unha vez arriba, chega a recompensa: unha baixada bonita e divertida por camiños que estes días estivemos acondicionando, desde a zona do Remicieiro cara abaixo, ata chegar ao río. É unha parte moi agradecida, terreo BTT para disfrutar.

Abaixo enlazamos co sendeiro do Castro, seguindo pola beira do río ata o castelo de Naraío, onde estará situado un dos avituallamentos. É un dos puntos máis especiais do percorrido, tanto polo entorno como polo propio castelo.

Despois de repoñer forzas toca volver gañar altura, desta vez cara ás Naveiras. É outro dos tramos novos deste ano e ofrece boas vistas do castelo ao inicio do tramo. Subida para tomar con calma, sen ter que sufrir de máis, gardando pernas para o que queda. O máis difícil xa foi.

Nas Naveiras agarda unha baixada ampla e divertida, por pista máis aberta, que empata co fermoso tramo do Rego Cativo, e xa estamos na parte baixa de Naraío. Pasamos por Pielas e imos cara a Cobeluda por camiños variados, cruzando pequenos regatos nun tramo de sobe e baixa entretido.

A última subida lévanos ata a Penamoura, o último esforzo da ruta. A partir de aí xa queda baixar de novo cara a San Sadurniño e completar un percorrido esixente, pero pensado para poder facelo con calma, gozando dos camiños, das baixadas e do entorno.

Non é unha ruta chaira nin pretende selo. Pero si é unha ruta ben medida: con subida longa ao comezo, descansos suficientes, zonas bonitas de río, baixadas divertidas e varios tramos novos que fan que pague a pena.

Vista 3D da baixada de Igrexafeita: Remicieiro (Igrexafeita) ata o Castelo polos "montes do Achileiro" e subida para A Fraguela e As Nabeiras.

Imaxe xerada con Google Earth.
Datos cartográficos e imaxes: © Google e provedores indicados na propia captura.

A BTT curta 2026 en detalle: Os Segmentos

Neste mapa podes atopar información máis polo miudo de cada un dos segmentos que compoñen o percorrido deste ano.

O mapa permite acceder a información de cada tramo ao facer click nas liñas.

Comentario de cada tramo:

📍KM: 0

BTT - 1 - Arboreto - asfalto

ASFALTO

Descripción:
Tramo de asfalto en subida.

🟢 Dificultade: Verde

📍KM: 2.12

BTT – 2 – Subida a Penamoura

PISTA

Descripción:
Pista en ascenso, en mal estado. Ten rodeiras da auga e algunhas fochancas.

Complícase algo se chove.

🔵 Dificultade: Azul

📍KM: 3.60

BTT – 3 – Enlace Penamoura

ASFALTO

Descripción:

Baixada recta.

🟢 Dificultade: Verde

📍KM: 4.01

BTT – 4 – Montes da Penamoura

PISTA

Descripción:
Sube e baixa sen desniveis importantes por pista en estado regular (mollado complícase algo porque pode haber fochancas).

🟢 Dificultade: Verde

📍KM: 6.09

BTT – 5 – Subida Campogrande

CAMIÑO

Descripción:

Subida que se pode facer máis complicada se está mollado, sobre todo nos últimos metros, que é a parte con máis inclinación. Ten algun metro de baixada polo medio.

🔵 Dificultade: Azul

Vista 3D dos montes da penamoura (pista) e a subida ata campo grande - penavidreira (camiño de monte)

Imaxe xerada con Google Earth.
Datos cartográficos e imaxes: © Google e provedores indicados na propia captura.

📍KM: 7.56

BTT – 6 – Enlace Campogrande - Penavidreira

ASFALTO

Descripción:
Metros sen desnivel

🟢 Dificultade: Verde

📍KM: 8.01

BTT – 7 – Subida Igrexafeita

CAMIÑO

Descripción:

Camiño en paralelo á autovía.

Pódese complicar algo se hai auga, pero é doado: Ten dous desniveis máis fortes (15-20%), xusto ao principio e chegando ao final. O resto é subida suave, tendida.

🔵 Dificultade: Azul

📍KM: 9.99

BTT – 8 – Enlace Igrexafeita – Remicieiro

ASFALTO

Descripción:
Baixada ata o lugar do Remicieiro. Sen dificultade.

🟢 Dificultade: Verde

Vista 3D dos montes do Achileiro: BAixada desde Igrexafeita - remicieiro - A Pedreira - ata o castelo de naraío.

Imaxe xerada con Google Earth.
Datos cartográficos e imaxes: © Google e provedores indicados na propia captura.

📍KM: 10.97

BTT – 9 – Remicieiro – Castelo

CAMIÑO - SENDEIRO

Descripción:

 Espectacular!!!

Antigo camiño (comunicaba o Remicieiro con A Pedreira e co río Castro) que recuperamos neste ano 2026...

Primeira parte: Pasadas as casa do Remicieiro, 170m de camiño de carro e hai que meterse á dereita. Ollo con seguir para abaixo!!! Depois son 800m de camiño de monte, tramo sube-baixa sen moito desnivel (pica para abaixo). Viramos 170º e  baixada con máis de desnivel ata chegar á beira do río Castro. PRECAUCIÓN co cano de auga, que non ten problema se imos a modo... (está indicado cun sinal)

Segunda parte: Sendeiro do Río Castro, polo que facemos uns metros sen desnivel cruzando a estrada canda a ponte, despois un repecho curto de subida, e remata nunha baixada ata o Castelo de Naraío.

🔵 Dificultade: Azul

📍KM: 14.02

BTT - 10 - Subida do Castelo

CAMIÑO

Descripción:

Os primeiros 50 metros son os duros, cun desnivel do 20%, pero despois vai suavizando.

🔵 Dificultade: Azul

📍KM: 14.60

BTT - 11 - Subida da Fraguela

CAMIÑO

Descripción:

Camiño recuperado, aberto tamén deste ano 2026!!!

Primeiros metros con pouco desnivel. Os últimos 100 metros son máis peados, ata chegar á estrada.

🔵 Dificultade: Azul

📍KM: 14.95

BTT - 12 - Enlace A Fraguela - As Nabeiras

ASFALTO

Descripción:

Subida ata a Fraguela e despois para abaixo ata As Nabeiras

🟢 Dificultade: Verde

📍KM: 15.65

BTT – 13 – Baixada das Nabeiras

PISTA 

Descripción:

Baixada longa e divertida por pista con pedra solta e rodeiras.

Precaución: Tramos con inclinación >20% (Pero non ten dificultade se imos despacio). Ollo coa pedra solta na parte final!!!

🔵 Dificultade: Azul

Vista 3D da baixada desde as nabeiras - regho cativo - camiño dos lamigheiros - pielas

Imaxe xerada con Google Earth.
Datos cartográficos e imaxes: © Google e provedores indicados na propia captura.

📍KM: 16.86

BTT - 14 - Regho Cativo

CAMIÑO

Descripción:

Camiño fermoso. É unha baixada sen demasiado desnivel, pola beira do regho Cativo, que ten a dificultade de pasar varios regatos pequenos que meten auga no camiño.

OLLO: Se chove e hai máis auga increméntase a dificultade.

🔵 Dificultade: Azul

📍KM: 18.10

BTT - 15 - Enlace Rio Limpo

ASFALTO

Descripción:

Baixa-sube cruzando o río Castro.

🟢 Dificultade: Verde

📍KM: 18.30

BTT - 16 - Camiño dos Lamigheiros

CAMIÑO

Descripción:

Pista ancha sen dificultade, preto do río.

🟢 Dificultade: Verde

📍KM: 19.68

BTT - 17 - Enlace Pielas - Saldoiro

ASFALTO

Descripción:

Enlace sen dificultade

🟢 Dificultade: Verde

📍KM: 20.74

BTT - 18 - Camiño de Viacoba

CAMIÑO - SENDEIRO

Descripción:

Fermoso camiño pola beira do río Castro, crúzase un regato.

Pequenos repechos sube-baixa, pero é un tramo básicamente plano.

Non ten moita dificultade, pero hai que ir con atención.

🔵 Dificultade: Azul

📍KM: 21.88

BTT - 19 - Enlace Pereiras

ASFALTO

Descripción:

Subida por asfalto cun desnivel entre o 5 e o 16%

🟢 Dificultade: Verde

📍KM: 22.26

BTT - 20 - Pereiras - Coveluda

CAMIÑO

Descripción:

Camiño de monte que empeza cunha baixada ata cruzar un pequeno regato sen moita dificultade, para picar despois para arriba e para abaixo.

🔵 Dificultade: Azul

Vista 3D da parte baixa de naraío desde a cobeluda

Imaxe xerada con Google Earth.
Datos cartográficos e imaxes: © Google e provedores indicados na propia captura.

📍KM: 22.94

BTT - 21 - Enlace Coveluda

ASFALTO

Descripción:

Baixa e sube con desniveis moderados.

🟢 Dificultade: Verde

📍KM: 23.44

BTT - 22 - Hortas da Cobeluda

SENDEIRO

Sendeiro ancho de herba, polo medio das hortas.

LIxeiro desnivel, máis nos metros finais.

🟢 Dificultade: Verde

📍KM: 23.75

BTT - 23 - Subida Cobeluda - Penamoura 1

ASFALTO - PISTA

Descripción:

Subida curta, dura nos primeiros metros de asfalto, que despois suaviza na pista.

🟢 Dificultade: Verde

Rutas media e longa

Neste punto se separan a ruta curta das rutas media e longa. 

Se sigues pola curta, segue lendo este artigo.

Se queres seguir pola media ou a longa tes a información aquí

📍KM: 24.06

BTTc - 24 - Cobeluda - Penamoura 2

CAMIÑO

Descripción:

Subida con desniveis moderados, algo máis na parte final. Algún tramo plano polo medio.

Pode haber algunha fochanca sen dificultade.

🟢 Dificultade: Verde

📍KM: 25.27

BTTc - 26 - Penamoura - Cornide

CAMIÑO

Descripción:

Baixada con desnivel moderado, pero complícase algo por rodeiras da auga.

En mollado precaución.

🔵 Dificultade: Azul

📍KM: 26.53

BTTc - 27- Enlace fin

ASFALTO

Descripción:

Costa abaixo por donde empezamos. Asfalto sen dificultade.

🟢 Dificultade: Verde

Inscricións

Inscricións abertas ata o 10 de xuño na páxina  da Federación Galega de Ciclismo.

Enlace directo aquí

Patrocinadores

Ciclismo para todos os niveis

Organizamos actividades ciclistas para todos os públicos, tanto de monte como de estrada. Podes acceder ao calendario a través do seguinte enlace. Participa!!!

Eventos

Descubre o Territorio

Habilitamos e mantemos os camiños para o seu disfrute, tanto cunha bicicleta de montaña como camiñando. Descubre as rutas de interese que podes facer polo concello de San Sadurniño

Rutas

Participa nas  actividades

Tamén somos comunidade: Quedamos para a ruta das fines de semana, para abrir e manter camiños, para ir a rutas e eventos doutros clubes, para facer pedidos conxuntos de material... 

Participa

Calendario de Eventos